Content of Sample Lesson Plan
                                                                                 
  Ano ang pang-abay? 
                   

            Ang Pang-abay ay bahagi ng pananalitang nagbbibigay turing sa pandiwa, pang-uri, o kapwa pang-abay. Ang mga pang-abay ay nagsasabi ng kung paano, kalian, saan at gaano.

 Ang mga salitang may salungguhit ay tinatawag na pang-abay.

• Masarap lumangoy sa dalampasigan ng Palawan. (Pandiwa)
• Tunay na masaya ang mag-anak nang mamasyal sa Palawan.(Pang-uri)
• Talagang masayang mamamasyal sa Palawan.(Pang-abay)

 

Uri ng Pang-abay
 1.      Pang-abay na Pamaraan – tumutukoy ito sa paraan kung paano ginawa ang isinasaad na aksyon ng pandiwa.
 Halimbawa:

Magaling sumayaw ng Tinikling si Ana

Matulin tumakbo ang kabayo ni Mang Ben.

Nagdasal nang taimtim si Janna.

 2.      Pang-abay na Pamanahon – tumutukoy ito sa panahon kung kalian naganap ang isinasaad na aksyon ng pandiwa.
Halimbawa: 

Ang buong pamilya ay nagsisimba tuwing Linggo.

Mamaya kami bibili ng pagkain

Maghahanda kami ng pagkain pagkatapos ng simba.

  

3.      Pang-abay na Panlunan – tumutukoy ito sa pook na pinagganapan ng aksyong isinasaad ng pandiwa.  Sumasagot ito sa tanong na saan.

Halimbawa:

Pumasok sa paaralan ang kambal.

Hinintay nila ang kanilang nanay sa harap ng gate.

Kumain sila ng cake sa bakery.